کۆمپانیای بلومبێرگ لە سەرەتای ڕۆژی شەممەوە لە زاری سەرچاوەیەکەوە باسی لەوە کرد، کە سندوقی سیادی کوەیت بە ڕێژەی نزیکەی 700 ملیار دۆلار گەشەی کردووە و وەک یەکێک لە سێ گەورەترین سەرمایەی سیادی جیهان لە ڕووی سەرمایەوە دیاری کردووە . کوەیت سندوقی یەدەگی نەوەی داهاتوو وەک پرۆژەیەکی نەتەوەیی کە بۆ خۆئامادەکردن بۆ ژیانی پاش نەوت داڕێژراوە دەڕوانی. ئاژانسەکە دەڵێت، سندوقی سیادی کوێت کۆنترین سندوقی سەروەرییە لە جیهاندا و دەگەڕێتەوە بۆ پێش دامەزراندنی دەوڵەتی هاوچەرخی کوێت.

بەپێی پەیمانگەی SWF ، سندوقی سیادی نەرویج گەورەترین سەرمایەیە لە جیهاندا کە 1.3 تریلیۆن دۆلاری هەیە و بەدوایدا سندوقی 1 تریلیۆن دۆلاری چینی دێت . کوێت لە سەرەتای مانگی تەمووزەوە ڕایگەیاند کە داهاتی سندوقەکە لە ساڵی دارایی ڕابردوودا 33٪ زیادی کردووە.